mido نت
زائرنا الكريم نحن نتشرف بهذه الزيارة ونتمني انضمامك الينا
{image}<"http://www.almosaekwan.com/vb/imgcache/65435.imgcache.gif">

البيبسى والميرندا (قصه مؤلمه)

استعرض الموضوع السابق استعرض الموضوع التالي اذهب الى الأسفل

مميز البيبسى والميرندا (قصه مؤلمه)

مُساهمة من طرف Eslam Zizo في الأحد يوليو 04, 2010 10:41 am

الموقع : ثلاجة في سوبر ماركت

البيبسي : يا ميرندا صاحية ولا نايمة

الميرندا : صاحية وانت ايه اللي مصحيك لحد دلوقتي لسه ربع الساعة والراجل
يقفل المحل ويقفل النور

البيبسي : ممكن أقعد جانبك

الميرندا : اتفضل

البيبسي : تحبي نتكلم في ايه

الميرندا : عادي أي حاجة..ولو هتطول قول علشان استأذن من بابا وأنام بره
الصندوق

البيبسي ( فرحان ): كلامي ولا هيخلص بكره الصبح..أصلي رغاي قديم

الميرندا : أنت عارف ان كلامك حلو أوي بس بابا منبه علينا منكلمش السود

البيبسي : ليه دا احنا أليفين والله

الميرندا : بس انت عارف سوادك حلو..كأنه سواد ليلة مافيها قمر.أنا بجد
معجبة بيك

البيبسي : احرجتيني وطلعتي زي ماقالت ماما

الميرندا: و هيا قالت ايه

البيبسي : قالت الميرندا أحلى من الفانتا

الميرندا : فانتا آل فانتا آل

البيبسي : ليه مالها الفانتا دي تهبل

الميرندا : ماشي لو عاجباك روحلها في الصندوق بتاعها..سلام

البيبسي : ايه يا ميري زعلتي من كلامي دا انتي ستهم كلهم


وفي اللحظة دي صاحب المحل حط جنبهم زجاجة فانتا

البيبسي : نورتي الصندوق يافانتا...ايه يا أخواتي الحلاوة دي

الميرندا : وكمان بتغازلها أدامي,, وانا معاك من الصبح يا عبد يا اسود

الفانتا : دي مالها دي متعصبة...ياي غيارة

البيبسى : سيبك منها بس قولي ايه الجمال اللي أنت فيه ده

الميرندا : قولي يا قصيرة يا قزعة

الفانتا : روحي كده وانتي بآلك اسبوع مرمية في الصندوق ومحدش معبرك

البيبسي : هدوء يا جماعة كل واحدة فيكم فيها مميزات انتو الاتنين حلوين

وفجأة جه زبون المحل وخد الثلاث زجاجات في كيس

وروح البيت وفتح الفنتا وشربها

البيبسي : الحمد لله كانت مضايقانا

الميرندا : وكمان جايلك عين تتكلم...روح وراها يا اسود

البيبسي (بينه وبين نفسه) : ضاعت عليا الفانتا وكمان الميرندا

وجلست الميرندا تبكي وتقول لنفسها يقطع الحب

وسنينه لحد اما سخنت وجه واحد يشربها ولقاها سخنة فألقى بها في سلة
المهملات

وكانت دي نهاية مؤلمة لقصة حب

Eslam Zizo
عضو جديد
عضو جديد

المهنه : طالب
المزاج : مبسوط
ذكر عدد المساهمات : 9
تاريخ التسجيل : 16/06/2010

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى